هل هو توحد او تخلف عقلي او طبيعي

> السؤال:
لدي بنت تبلغ من العمر سنتين و8 شهور . عرضتها على طبيبين الاول طبيب تخاطب والثاني طبيب طب تطوري . الدكاتره الاثنين قالولي لديها تأخر بسيط في القدرات العقلية واللغوية . انصحتني الدكتوره اني اخذها الى دكتور تخاطب بس ماخذيتها لانها صغيره في السن . حاله بنتي ماشاء الله عليها كل شي تفهمه واذا قتلها جيبي قلاص تجيبه لي . يوم كان عمرها سنتين ما كانت تكون جمل بس تحسنت قليلا مرات تقول ماء اذا تبي ماي ومره تقول ابي ماي وتقول ابي عصير . مو دايما تكون جمل . لاحظتها في الفتره الاخيره انها تردد الكلام يعني لما تقول ماما تقول ماما ماما ماما لما اقولها جيبيلي كلينكس تردد الكلمه كثير . تعرف اسماء اللي في البيت كلهم . وتعرف كل اجزاء جسمها ولمل اقلها شنو اسمك تقول اسمها بس مو كامل . عنيده ماتبي الخدامه تلبسها ملابسها او تغيير لها بامبرز تبييني اما امها . ولما نطلع بالسياره عادي تركب السياره بس بسرعه تمل من السياره وتصيح . كم مره حطيتها في كرسي السياره تصيييييح صياح مو طبيعي صراخ وانا احقرها بعدين تسكت ومرات ما تسكت لما نوصل المكان . ما هي مشكله بنتي ؟؟؟ هي حاليا صارلها 3 ايام تروح الحضانه وتقولي مدرستها انها تردد الكلام . مثال على الطاوله انها تكرر كلمه الطاوله اكثر من مره وشكرااا .

هدى , الكويت

> الجواب:

في الخليج هوس أسمه التوحد - أعاننا الله على هذا التشخيص - لا يمكننا التشخيص - فلا ينطبق عليها علامات التوحد - الطبيب المعالج لديه الكثير من الاسئلة - نتمنى عدم التسوق الطبي لكي لا تصابين بالحيرة