منتدى أطفال الخليج ذوي الاحتياجات الخاصة

منتدى أطفال الخليج ذوي الاحتياجات الخاصة (http://www.gulfkids.com/vb/index.php)
-   التوحُّد والمشاكل السلوكيـَّـة لدى الأطفال (http://www.gulfkids.com/vb/forumdisplay.php?f=5)
-   -   أنا مصدومة...هو كدة ابنى عنده توحد؟ (http://www.gulfkids.com/vb/showthread.php?t=5685)

الصحفي الطائر 11-18-2010 08:27 PM

أنا مصدومة...هو كدة ابنى عنده توحد؟
 
أنا مصدومة...هو كدة ابنى عنده توحد؟


أنا أبنى عنده دلوقتى سنة وتسع شهور
وأنا بعانى من عدم كلامه ولعبه لوحده على طول
اختى نبهتنى انه ممكن يكون مصاب بالتوحد لكن قولتلها لأ معتقدش بس حدور عالنت
وفعلا دورت النهاردة على اعراض التوحد
ولقيت إن ابنى عنده كتير من الاعراض دى
ومش عارفة اتصرف إزاى أنا حاسة إن حيجرالى حاجة أن لسة مكتشفة إنى حامل تانى وبعدين حصلى إجهاض ولسة مخفتش
وتعبانة واتصدمت لما قريت اعراض التوحد دى
أرجوكم حد يفدنى ويقولى اعالج أبنى إزاى؟
وأتعامل معاه إزاى؟
هو بيتفرج عالتلفزيون كتير
مبيردش لما حد ينادى عليه غير نادرا
بيحب يلف الحجات والعجل
بيحب يجرى فالصالة كتير رايح جاى
مبيقولش ولا كلمة مع إنه كان زمان بيقول ماما وبابا بس مش لينا يعنى مع نفسه
دلوقتى مبيقولش ولا حاجة خالص
تعبنى جدا فالأكل مبيكلش من الخضار غير بسيط جدا وبياكل الملوخيه بالذات
والبطاطس المقلية
والعيش الحاف
وسعات ياكل حجات تانية بس بكميات قليلة زى الفول مثلا
كان الأول لو لقى طفل يروح عنده ويحاول يلاعبه
دلوقتى لو قرب منه أى طفل يبعده بأيده بعيد عنه
أنا قبل ما اقرأ أى حاجة عن المرض ده
قررت أنا وباباه نوديه حضانة إن شاالله ساعتين فاليوم عشان يتواصل مع الأطفال
لأنه لسه طفلى الاول ومفيش حد معاه فالبيت
أنا بس عايزة حد يفدنى أوديه حضانة وأشوف النتيجة؟
ولا اوديه لدكتور نفسى؟
ولا أعمل إيه؟
أرجوكم فدونى


الصحفي الطائر 11-18-2010 08:33 PM

فتكات متميزة

معظم العيال فيها حاجات من اللى إنتى كاتباه
يعنى كل العيال عندها توحد؟!!!!!
وبعدين لازم دكتور هو اللى يحدد لأن الموضوع ليه إختبارات و كمان ليه درجات

لو إنتى قلقانة وديه لدكتور نفسى أطفال وعلى كل حال الحضانة كويسة جدًا هتفيده..
وربنا يطمنك عليه


حبيبه قلبى ماتقلقيش خير ان شاء الله
وياريت تشوفى فعلا دكتور نفسى افضل ربنا يباركلك فيه يارب

ماهم مش شرط يكون عنده توحد ممكن تكون سمات توحد ودي بتكون اسهل وارحم بكتير
ان شاء الله ميكونش في حاجه واعرضيه علي دكتور متخصص

حبيبتى متخافيش ان شاء الله خير
بصى مرض التوحد انا درسته فى الكلية ده ليه اعراض نفسية وجسمية
بس لازم تعرضيه على دكتور عشان تتطمنى


ياحبيبتى دى مش اعراض توحد
دى اعراض تسنين وتطليع دروس بتخلى العيل مع نفسة ومش طايق حد ولا بيلعب ولا بيعمل حاجة ونفسيتة تعبانى استهدى بالله وكلنا كدة ربنا يعافية ويخليلى بنتى قولى يارب........

لالا بعد الشررر
بس انتي احسن توديه لدكتور http://files.fatakat.com/smilies/smile.gif عشان تتطمني
و ميبقاش عندو حاجه ان شاء الله

بس اقولك ان فيه اطفال كتير بيبقوا كداا يعني و بعد كدا بيبقوا عادي بس لا ان شاء الله مفيش حاجه




الصحفي الطائر 11-18-2010 08:34 PM

بصوا يا جماعة الجديد
أولا ربنا يجازىكم خير على ردودكم
ثانيا
طبعا أنا حكيت لجوزى على اللى قريته وهو بره البيت
لأنى حالتى مايعلم بيها إلا ربنا ومقدرتش استنى لما يجى
وقلتله نوديه لدكتور فهدانى وقلى حكلمك تانى
المهم كلمنى وقالى أنا طول الوقت ده بكلم واحد صحبى خريج آداب علم نفس
وواخد كورسات كتير وبيعالج الاطفال المتوحدين
وقالى سألته على كل حاجة وقعد يسألنى كتير
وقالى اطمن أبنك معندوش توحد أبنك عنده أعراض شبيهة نتيجة أنه بيقعد لوحده فترات طويلة
وقاله متقلقش خالص
أهم أعراض التوحد أن الطفل لايطيق أن حد يلمسه خالص
لدرجة أنه ممكن يعضك أويضربك
وكمان بيكون عنده بكاء مستمر أو ضحك مستمر
وقاله أنا بعالج متوحدين
والطفل المتوحد طفل عنيد جدا وصعب
لأن تصرفاته صعبه جدا
وأنا الحمد لله ابنى مش كدة
وقاله متقلقش وديه حضانه وحتلاقى اللى عنده ده حيروح بسرعة جدا لأنها أعراض شبيهة بالتوحد
وليست مرض التوحد نفسه
ولما جوزى سأله هل هو محتاج لدكتور نفسى
قاله علاج التوحد مش متتطور فمصر والدكاترة مبيكنوش فهمين العلاج قوى فبلاش وممكن يقولولك أى كلام
ويوهموك أنه متوحد وهو مش كدة
وقاله أنا ممكن أجى وأعمله الأختبارات لكن أبنك مش متوحد متقلقش

الصحفي الطائر 11-18-2010 08:36 PM

ان شاء الله يطلع زى الفل وربنا يخللى

الحمد لله اطمئنى بقى بس انصحك بسرعهة الحاقه بحضانه
وكثره زياره الاصدقاء اللى عندهم اطفال فى سنه
والذهاب الى الاماكن المفتوحه مثل النادى والحدائق العامه

ماما80 04-25-2011 07:32 PM

السلام عليكم انا ابنتي عندها 5سنوات تمشي لي عن اطراف اصابعها وعندها اظطراب في الكلام حتى الاكل لاتاكل لوحده انا قلقة عنها افيدوني

عبدالحميد سيد 05-18-2011 11:01 PM

السلام عليكم
انا اعمل اخصائى نفسى فى مؤسسه ترعى فئات مختلفه من بينها التوحد .
وللاسف من الاعراض التى ذكرت اشك ان هناك نسبه توحدعند طفلك ويجب عمل تقييم شامل
لطفلك والتاكد من سلامته ان شاءالله .

لجين تغذية 09-27-2011 02:53 PM

صباح الخير ,,
لنعمل معا على مساندة اطفال التوحد في وطننا العربي الكبير بنشر صفحتنا
لجميع اصدقائنا واحبائنا ولنعمل يدا بيد ولنطلق صرخة أمل لغد افضل لكل اطفال التوحد في وطننا الكبير
http://www.facebook.com/DarAlTiryaq

وشكرا جزيلا لكم
التوحد / رحلتي مع التوحد : قصة شفاء

ردينة 10-03-2012 07:55 PM

حدة اعراض التوحد تختلف من طفل لاخر، وانا ابني توحدي عمره 3 سنوات ولا يعض نفسه او يؤذي نفسه، لكن الطبيب المختص يستطيع ان يعرف من خلال التقييم، ياربي يشفي ابنائنا جميعا

شادية شاهين 01-10-2014 01:48 AM

ربنا يشفيه ويشفي ابنائنا جميعاً

الوصل 03-11-2014 05:04 AM

ان شاء الله مايكون عنده شي
ويحفظه لك
http://www.freeuploadsite.com/uploads/13936993563.gif
العاب


الساعة الآن 11:15 PM.

Powered by vBulletin® Version 3.8.2
Copyright ©2000 - 2024, Jelsoft Enterprises Ltd

a.d - i.s.s.w