ضمور بسيط في المخ

> السؤال:
انا ابني عنده 3شهور اتولدولادة قيصرية وكان طبيعي جدا لمدة 14 يوم بس كان بيعاني من كحة شديدة قوي واخدت علاج اسمه سيلجون بس كان بيتعب لما بياخده وكان نفسه بيروح وكان صدرره بشخلل جامد منه وفي اليوه 14 اخده وحصل كده وبعدين رحنا المستشفى وقالو انه لازم يتشفط ليه ووبعدين قالو ده محتاج تنفس صناعي وفضل في الرعاية مدة شهر واصيب في الحضانة بالتهاب رئوي حاد نتيجة ميكروب في الدم وعملو اللازم بس بيقولوانه في فترة وجيزة جدا لاتتعدى15 دقيقة(فترة وصولنا للمستشفى) البلغم سد الرئة منع وصول اكسجين للمخ وادى الى ضمور بسيط وعملنا اشعة مقطعية على المخ وظهرت انه في نسبة ضمور في المخ نتيجة نقص الاكسجين في المخ وهو دلوقتي عنده 3 شهور وبيقدر يحرك الاطراف كويس جدا وبيشوفنا وبيلعب معانا وكمان بيناغي وبيركز لما بيسمع اي صوت تيلفون /تيلفزيون وبيتفرج معانا كمان على التيلفزيون السؤال دلوقتي ياترى هو هيكون طبيعي ولاهيتاثر بحاجة وممكن اقدر اعمل ايه دلوقتي علشان اطمن عليه بحيث يتلحق في وقت مبكرارجو الافادة ضروري لانه اول طفل ليا وانا هموت من القلق وهل هو كده عنده شلل دماغي ولا لاء

ياسين , مصر

> الجواب:

نحن لا نعالج الأشعة - والتشخيص يكون من خلال الأعراض وليس الأشعة - ومن شرحكم لا يوجد أي علامات تأثر أو نقص - نتمنى له العافية